إذا كان اللي بيتكلم مجنون يبقى اللي
بيستمع عاقل ولا إنت إيه رأيك ياعم الحج فى الموضوع ده
عم الحج : موضوع إيه يابني إنت
شارب حاجة ولا إيه
المجنون :أنا ولا شارب
ولا واكل بس كنت عاوز أعرف رأيك فى موضوع محيرني
عم الحج : موضوع إيه قول
يابني فضفض
المجنون :كنت عاوز أعرف
رأيك فى الدكتور السباعي أحمد السباعي
عم الحج : سباعي مين يابني
أنا لاعرف سباعي ولا خماسي
المجنون : ده كبير الأطباء
الشرعيين ياعم الحج
عم الحج :لا والنبي, والله ماكنت
اعرف مش كنت تقول كده من الأول
المجنون :طيب بلاش دي تعرف
المرحوم خالد سعيد
عم الحج : طبعا الله يرحمه
منهم لله اللى كانوا السبب
المجنون : الدكتور السباعي
بقى هو اللي قال إن خالد مات
بسكسكونيا الخنق قصدي إسفسكسيا الخنق جريدة الشروق
عم الحج : وماله يابني ماهو
دكتور بردو يفهم أكتر مننا
المجنون :طيب وإيه رأيك بقى
فى الأطباء الشرعيين الدوليين
اللي قالوا عكس الكلام اللي قالوا الدكتور السباعي مركز النديم
عم الحج : وهما يابني الاطباء
الدوليين هيفهموا أكتر من الدكاترة بتوعنا
المجنون : أقنعه إزاي بس
المجنون : من الأخر ياعم الحج
لا إحنا بنفهم ولا الأطباء الدوليين بيفهموا إحنا نجرب بنفسنا
هنجيب ورقة طولها
7.5 سم و قطرها 2.5 سم نفس حجم اللفافة
اللي قالوا إن خالد بلعها
وهي اللي سببت الوفاه وهانشوف إذا كنا
هانعرف نبلعها ولا مش هنعرف
المجنون : إتفضل إبلع ياعم الحج
عم الحج : أبلع إيه يابني
إنت باين عليك مجنون
المجنون : مانا لو كنت
مجنون كنت عرفت تبلعها
المجنون : ما علينا من
خالد سعيد ,إيه رأيك بقى فى كلام
الأستاذ فريد حشيش
عم الحج : ومين الأستاذ فريد حشيش ده كمان
المجنون : من الواضح
إن ثقافتك عالية ياعم الحج
عم الحج : طبعا يابني الثقافة
دى حاجة حلوه
المجنون : ماعلينا من
موضوع الثقافة ده ,ندخل
في المهم الأستاذ فريد حشيش
محقق بقطاع الطب الشرعي
وبإختصار, قال إن الدكتور
السباعي يوالي النظام وأن
تعليماته وتقاريره في صالح
النظام حتى لو كان هذا على
حساب دماء الشهداء والضحايا
ومنها قضية خالد سعيد
عم الحج : وأنت بقى إزاي
إتأكدت من الكلام اللي إنت بتقوله .
المجنون : كل الوقائع التي أخبر
عنها الأستاذ فريد حشيش
بالمستندات والتقارير والأدلة
عم الحج : والله يابني
أنا مش عارف أقولك إيه
المجنون : إسمع دي كمان
ياعم الحج
عم الحج : قول يابني سامعك
المجنون : الدكتور السباعي
هو اللي هيحدد إذا كان الرئيس
السابق محمد حسني مبارك
هيتم نقله من شرم الشيخ
أو إن حالته لا تسمح بذلك جريدة اليوم السابع
عم الحج : وإيه المشكلة
يابني بس
المجنون : يعني بعد كل الكلام
اللي قولته عن الدكتور السباعي
والفساد اللى حدث فى مصلحة
(الطب الشرعي ) أثناء عمله
بالمصلحة ,هل ممكن نثق فيه
تاني ونسلمه قضيه حساسة
مثل هذه القضية جريدة اليوم السابع
عم الحج : والله أنا إحترت
معاك يابني ,إنت عاوز إيه
دلوقتي
المجنون : مش أنا اللي
عاوز ,كل اللي بيفكر بعقله فى
البلد دي مش عاوز هذا الراجل جريدة المصري اليوم
عم الحج : على العموم
يابني أنا هسيبك بقى لأن
ماتش الأهلي بدأ ,ولما السباعي بتاعك
ده يمشي إبقى قولي
,سلام عليكم
المجنون : وبيقولوا علي أنا اللي مجنون
,واللي سكت 30 سنة على الظلم
ده يبقى إسمه إيه ,
واللي سايب الدكتورالسباعي في منصبه
إلى وقتنا هذا يبقى إسمه ايه
,واللي أعطاه الثقه بعد ما تم كشف
كل هذا الفساد الذي تم فى
عهده وطلب منه تقرير
عن حالة الرئيس السابق
يبقى إسمه ايه ,
على العموم لو كل واحد بيحب
بلده وخايف عليها وعاوز
يطهرها من كل ظالم ومن كل
فرعون هيقولوا عليه مجنون
فا أنا هاقولها وبكل فخر أيوه أنا مجنون
الله عليك طول مافى البلد ناس زيك يبقى لسه فى أمل
ردحذفبس يا ريت تقولنا نعمل إيه أصل إحنا إتعودنا على الخمول وكتر الكلام أكتر من كده مفيش
وانا كمان مجنووووووووووووووووووون وامرنا لله
ردحذفوالله يا محمد الموضوع سهل لاكن محتاج إرادة إنت ممكن تعمل حاجات كثيرة ومنها
ردحذفأولا إنك تقرب من ربنا لأن هو سبيلك لأي عمل كويس إنت ناوي تعمله
ثانيا إذا كنت بتدرس تهتم بدراستك وتخلص فى مذاكرتك وإذا كنت موظف او عامل فا تخلص في شغلك وربنا هيكرمك إن شاء الله
ثالثا وهذا هو الجزأ الأهم تحاول تشترك في حزب أو منظمة او حركة أو جماعة هتستفيد كتير وهتفيد بلدك إن شاء الله .
دي أشياء بسيطة ممكن تعملها وإن شاء الله ربنا هيكرمك
الحمد لله ان الشعب كله هيبقى مجانين
ردحذفمادام الجنان كدة يبقى الناس التانيه محتاجة تتفصل عننا يسبونا فى مصر ويشوفلهم حته تانيه يعيشو فيها