الجمعة، 23 ديسمبر 2011
خونة ......أجندات ......تمويل
أيوه خونه وأجندات وبياخدوا تمويل ,خونة لأنهم ثاروا على المناضل المجاهد حسني مبارك ,وأجندات لأن مبارك المناضل كان ضد التدخل الأجنبي في مصر لذلك الشباب بقى هما اللي بينفذوا الأجندات الاجنبية اللي غرضها تخريب مصر ,وطبعا بياخدوا تمويل لزوم فقع عينيهم وتشويهم من الضرب والسحل والتعذيب في السجون والمعتقلات والتشهير بيهم وبسمعتهم والخوض في أعراضهم والكلام ده يعني ,طبعا إنتوا عارفين إن الحاجات دي بتتكلف .
وطبعا للاسف نجح هؤلاء الخونه في خلع المجاهد حسني مبارك ومسك الحكم المجلس العسكري اللي يعتبر جزأ لا يتجزا من النظام السابق ,اللي كانوا ساكتين على الجرائم التي ا ُرتكبت في عهد المناضل المجاهد حسني مبارك ,ولكن علشان مانظلمهمش قولنا الله يكون في عونهم ,يعني الناس هتحارب ولا تشوف مين اللي سرق ومين اللي نهب ومين عذب ومين جاب مبيدات مسرطنة ,المهم بعد مامسك المجلس حسينا طبعا كلنا إنه مع الثورة قلبا وقالبا ,وطبعا المحاكمات العاجلة اللي حصلت لأفراد النظام السابق وظباط الداخليه المتهمين في قتل وتعذيب المصريين وغيرهم من الذين أفسدوا الحياة السياسية ونهبوا خيرات البلد , ولا ننسا أموالنا المنهوبة التي عادت إلينا من بنوك سويسرا وغيرها ,وأكيد ماننساش الموقف الجرئ والحاسم والقوي من المجلس العسكري في سرعة ضبط وإحضار ومعاقبة كل المتسببين في أحداث مسرح البالون والسفارة الإسرائيلية والعباسية وماسبيوا ومحمد محمود وأخرهم مجلس الوزراء .
وأخيرا حتى لا ننسى ما حققه هؤلاء الخونه من الشغب اللي بيعملوه في التحرير ,
1- تعيين نائب لرئيس الجمهورية
2- تنحى حسنى مبارك
3- استقالة أحمد شفيق
4- القبض على رموز النظام السابق
5- زياده أجور البعض ومنهم رجال الشرطة
6 - إلغاء المحاكمات العسكرية
7- تحديد موعد إنتخابات مجلسي الشعب والشورى
8 – تحديد موعد تسليم السلطة
أكيد العيال الممولين اللي في التحرير لم يقصدوا الضغط على الحكومة لتحقيق هذه المطالب لأنهم خونه ومخربين ومش في بالهم مصلحة البلد .
ملحوظة : أنا نزلت التحرير اليومين اللي فاتوا وفعلا اللي موجودين في التحرير مش هما ثوار 25 يناير والدليل إن مافيش ولا واحد فيهم عليه إستيكر أو بادج 25 يناير .
الأحد، 14 أغسطس 2011
لا للمحاكمات العسكرية للمدنيين
مش هستغرب لو سمعت بكرة الصبح في التليفزيون إن حركة شباب 6 أبريل لها يد في تفجيرات 11 سبتمبر وسبب عدم الإستغراب أننا اصبحناوالحمد لله أساتذة في إلقاء الإتهامات والتخوين بدون دليل ولا يجرأ أحد ان يطلب دليل كما لو أن من يلقي الإتهامات هم آله لا نستطيع تكذيبهم أو حتى ليس من حقنا أن نتاكد من تلك الإتهامات التي توجه إلى الثوار والمتظاهرين السلميين من قبل المجلس العسكري أو النيابة العسكرية.
إحساس غبي لما نلاقي أئمة الظلم والفساد والقهر تتم محاكمتهم أمام القضاء المدني ويقولك حقهم -عشنا وشوفنا القتله والظلمة والقوادين ليهم حقوق-ولكن لا توجد مشكلة فهؤلاء الأغبياء سوف ينالوا أشد عقوبة سواء أمام المحاكم العسكرية او المدنية ,ولكن على النقيض تماما نرى شباب الثورة والمدنين والنشطاء السياسيين الأبرياء يحاكموا أمام القضاء العسكري كما لو أننا لم نفعل ثورة ولا غيره وأخرهم الناشطة أسماء محفوظ ,يعني من الأخر اللي أذل وأهان المصريين وسلب منهم كرامتهم وحريتهم واخد حقه وبيتحاكم أمام القضاء المدني ,وعلى النقيض اللي نزل في المظاهرات لكي يطالب بحقه وحق بلده بياخد على دماغة,بصراحة ونعم العدل فعلا كده الواحد حاسس إننا عملنا ثورة فعلا وخلاص بدأنا ناخد حقوقنا.
من أخطأ يجب أن ينال جزاؤه ولكن تلك الممارسات الغير عادله تجاه المتظاهرين والنشطاء السياسيين سوف تأخذنا إلى ما لا يحمد عقباه وتذكروا جميعا أن خالد سعيد مات علشان سكتنا وسيد بلال مات علشان سكتنا مش بقولك إعمل مظاهرة أو ثورة لا طبعا عجلة الإنتاج أهم وخليك لحد ما الدور يجي عليك .
إحساس غبي لما نلاقي أئمة الظلم والفساد والقهر تتم محاكمتهم أمام القضاء المدني ويقولك حقهم -عشنا وشوفنا القتله والظلمة والقوادين ليهم حقوق-ولكن لا توجد مشكلة فهؤلاء الأغبياء سوف ينالوا أشد عقوبة سواء أمام المحاكم العسكرية او المدنية ,ولكن على النقيض تماما نرى شباب الثورة والمدنين والنشطاء السياسيين الأبرياء يحاكموا أمام القضاء العسكري كما لو أننا لم نفعل ثورة ولا غيره وأخرهم الناشطة أسماء محفوظ ,يعني من الأخر اللي أذل وأهان المصريين وسلب منهم كرامتهم وحريتهم واخد حقه وبيتحاكم أمام القضاء المدني ,وعلى النقيض اللي نزل في المظاهرات لكي يطالب بحقه وحق بلده بياخد على دماغة,بصراحة ونعم العدل فعلا كده الواحد حاسس إننا عملنا ثورة فعلا وخلاص بدأنا ناخد حقوقنا.
من أخطأ يجب أن ينال جزاؤه ولكن تلك الممارسات الغير عادله تجاه المتظاهرين والنشطاء السياسيين سوف تأخذنا إلى ما لا يحمد عقباه وتذكروا جميعا أن خالد سعيد مات علشان سكتنا وسيد بلال مات علشان سكتنا مش بقولك إعمل مظاهرة أو ثورة لا طبعا عجلة الإنتاج أهم وخليك لحد ما الدور يجي عليك .
الخميس، 28 يوليو 2011
من غير كتر كلام
اللي فاكر إن هو اللي نجح الثورة ,واللي فاكر إن الثورة كانت هاتفشل لو هو إمتنع عن المشاركة ,أو اللي فاكر إن هو اللي حمى الثورة ومن غيره البلد كانت هاتضيع ,أحب أقولك الثورة كانت هتنجح غصب عن عين التخين .
الثورة دي نجحت علشان ربنا عاوزها تنجح ,الثورة دي نجحت علشان ربنا كان واقف معانا ,الثورة دي نجحت علشان ربنا عارف إن الشباب اللي ضحوا فعلا كانوا بيحبوا البلد.
كل واحد كان ليه دور في الثورة لا أحد ينكر دور القوات المسلحة ودور الإخوان و دور حركة شباب 6 أبريل و دور حركة كفايه و دور كل مصري شارك في هذه الثورة ولاكن ليس لأحد فضل على الثورة ,من يعتقد أن بدون مشاركته في الثورة كانت الثورة سوف تفشل فهو واهم .
ترددت في الفترة الأخيرة عبارة لو كان جبشنا فعل مثلما فعل جيش ليبيا أو سوريا كما لو أن دور الجيش إنه يضرب المتظاهرين ويقتلهم ويشردهم ولكن هم تفضلوا علينا ولم يفعلوا ذلك ,لو كان هذا تفضل منهم علينا فليأتوا بمبارك مرة ثانية إلى الحكم ويتركوا الشباب يصنعوا ثورتهم بمفردهم ولا يقدموا لهم المساعدة على الأقل سوف يتيحوا الفرصة للكثير من المصريين الذين لم تسمح لهم الفرصة ليشاركوا في الثورة ,وأعتقد ان الكثير من المصريين اليوم وأنا منهم يتمنى لو أن رجع بنا الزمن ليشارك في الثورة من أول يوم ,الجيش أدى دور عظيم في الثورة ولكن هل هذا الدور تفضل منهم علينا هل هذه الثورة ستعود بالنفع على الشباب فقط أم أنها سوف تعود على الجميع بالنفع ومنهم الجيش الذين هم من الشعب .
ليس لأحد حق أن يطلب من الثوار إخلاء الميدان فالثورة مازالت مستمرة ولم تنتهي بعد ومن يتحدث عن عجلة الإنتاج فليبحث عن الخسائر التي تتكبدها السياحة بسبب وجود المدعو مبارك في شرم الشيخ ,من له الحق هم أهالي الشهداء الذين دفعوا ثمن غالي ثمن لا يقدر بمال وأيضا المصابين الذين يبحثون إلى الآن عن أحد يدفع لهم تكاليف علاجهم كما لو أنهم لم يصابوا دفاعا عن وطنهم ,هؤلاء هم الوحيدون الذين لهم الحق في طلب إيقاف المظاهرات و الإعتصامات وعودة الحياة إلى طبيعتها ولاكن بعد أن يأخذوا حقوق أبنائهم ,بعد أن يتم علاجهم وبعد أن يروا خطوات جادة من الحكومة لتحقيق مطالبهم .
من يرى أنه أخذ حقه ويرى أن الحكومه تأخذ فعلا خطوات جاده تجاه تنفيذ المطالب فهذا شأنه ,ولكن هناك الكثير يروا أن هناك تقصير شديد من الحكومة في تنفيذ المطالب ويرى ايضا الكثير أن هناك تواطؤ شديد في المحاكمات وغيرها .من يريد الإستقرار وفض المظاهرات والإعتصامات فلا يطلب من الشباب إيقاف المظاهرات ولكن اطلبوا من الحكومة تنفيذ مطالبنا المشروعه على الأقل حماية أهالي الشهداء حتى لا يتم الضغط عليهم لتغيير شهادتهم وحتى يطمئن الناس ان هناك عدل فعلا وأن مطالبهم سوف تتحقق .
وأخيرا كثر الحديث مؤخرا عن حركة شباب 6 أبريل وتم توجيه إليها العديد من الإتهامات المرفوضة تماما ومن معه أي مستند يدين به الحركة فليتوجه إلى النائب العام ,حركة شباب 6 أبريل التي لا ينكر دورها قبل الثورة أو خلال الثورة إلا جاحد .
كان لي الشرف بالإنضمام مؤخرا إلى حركة شباب 6 أبريل ولم أرى أي سوء من احد أعضائها ولم يتم تمويلي أيضا ,هذه الحركة التي أكن لها كل تقدير و إحترام عندما بدأت أسمع عنها منذ عام 2008 عندما بدأت مشوار نضالها ,وأحب أن أضيف إن هذه الإتهامات الموجهة إلى الحركة لن تؤثر على حبي للحركة وحتى إذا ثبت أن احد أفرد الحركة تلقى تمويل وهذا لن يحدث لأن لو كان هناك فعلا مستندات كنا رأينا هذا ولكن إذا حدث فهذا لن يؤثر على حبي للحركة ول يؤثر أيضا على مسيرة النضال التي بدأوها منذ عام 2008 .
الثورة دي نجحت علشان ربنا عاوزها تنجح ,الثورة دي نجحت علشان ربنا كان واقف معانا ,الثورة دي نجحت علشان ربنا عارف إن الشباب اللي ضحوا فعلا كانوا بيحبوا البلد.
كل واحد كان ليه دور في الثورة لا أحد ينكر دور القوات المسلحة ودور الإخوان و دور حركة شباب 6 أبريل و دور حركة كفايه و دور كل مصري شارك في هذه الثورة ولاكن ليس لأحد فضل على الثورة ,من يعتقد أن بدون مشاركته في الثورة كانت الثورة سوف تفشل فهو واهم .
ترددت في الفترة الأخيرة عبارة لو كان جبشنا فعل مثلما فعل جيش ليبيا أو سوريا كما لو أن دور الجيش إنه يضرب المتظاهرين ويقتلهم ويشردهم ولكن هم تفضلوا علينا ولم يفعلوا ذلك ,لو كان هذا تفضل منهم علينا فليأتوا بمبارك مرة ثانية إلى الحكم ويتركوا الشباب يصنعوا ثورتهم بمفردهم ولا يقدموا لهم المساعدة على الأقل سوف يتيحوا الفرصة للكثير من المصريين الذين لم تسمح لهم الفرصة ليشاركوا في الثورة ,وأعتقد ان الكثير من المصريين اليوم وأنا منهم يتمنى لو أن رجع بنا الزمن ليشارك في الثورة من أول يوم ,الجيش أدى دور عظيم في الثورة ولكن هل هذا الدور تفضل منهم علينا هل هذه الثورة ستعود بالنفع على الشباب فقط أم أنها سوف تعود على الجميع بالنفع ومنهم الجيش الذين هم من الشعب .
ليس لأحد حق أن يطلب من الثوار إخلاء الميدان فالثورة مازالت مستمرة ولم تنتهي بعد ومن يتحدث عن عجلة الإنتاج فليبحث عن الخسائر التي تتكبدها السياحة بسبب وجود المدعو مبارك في شرم الشيخ ,من له الحق هم أهالي الشهداء الذين دفعوا ثمن غالي ثمن لا يقدر بمال وأيضا المصابين الذين يبحثون إلى الآن عن أحد يدفع لهم تكاليف علاجهم كما لو أنهم لم يصابوا دفاعا عن وطنهم ,هؤلاء هم الوحيدون الذين لهم الحق في طلب إيقاف المظاهرات و الإعتصامات وعودة الحياة إلى طبيعتها ولاكن بعد أن يأخذوا حقوق أبنائهم ,بعد أن يتم علاجهم وبعد أن يروا خطوات جادة من الحكومة لتحقيق مطالبهم .
من يرى أنه أخذ حقه ويرى أن الحكومه تأخذ فعلا خطوات جاده تجاه تنفيذ المطالب فهذا شأنه ,ولكن هناك الكثير يروا أن هناك تقصير شديد من الحكومة في تنفيذ المطالب ويرى ايضا الكثير أن هناك تواطؤ شديد في المحاكمات وغيرها .من يريد الإستقرار وفض المظاهرات والإعتصامات فلا يطلب من الشباب إيقاف المظاهرات ولكن اطلبوا من الحكومة تنفيذ مطالبنا المشروعه على الأقل حماية أهالي الشهداء حتى لا يتم الضغط عليهم لتغيير شهادتهم وحتى يطمئن الناس ان هناك عدل فعلا وأن مطالبهم سوف تتحقق .
وأخيرا كثر الحديث مؤخرا عن حركة شباب 6 أبريل وتم توجيه إليها العديد من الإتهامات المرفوضة تماما ومن معه أي مستند يدين به الحركة فليتوجه إلى النائب العام ,حركة شباب 6 أبريل التي لا ينكر دورها قبل الثورة أو خلال الثورة إلا جاحد .
كان لي الشرف بالإنضمام مؤخرا إلى حركة شباب 6 أبريل ولم أرى أي سوء من احد أعضائها ولم يتم تمويلي أيضا ,هذه الحركة التي أكن لها كل تقدير و إحترام عندما بدأت أسمع عنها منذ عام 2008 عندما بدأت مشوار نضالها ,وأحب أن أضيف إن هذه الإتهامات الموجهة إلى الحركة لن تؤثر على حبي للحركة وحتى إذا ثبت أن احد أفرد الحركة تلقى تمويل وهذا لن يحدث لأن لو كان هناك فعلا مستندات كنا رأينا هذا ولكن إذا حدث فهذا لن يؤثر على حبي للحركة ول يؤثر أيضا على مسيرة النضال التي بدأوها منذ عام 2008 .
ابريلي وافتخر
الاثنين، 11 يوليو 2011
أبوس إيدك إنطق ,إتكلم,اصرخ
ليه إنت اناني ,ليه عايزنا نعاني نفس المعاناة اللي إنت عانتها ,ليه عاوز أولادك وأحفادك يشربوا من نفس الكأس اللي إنت شربت منه كأس الذل والظلم والإهانة.
ليه ساكت على حقوقك فين صوتك ولا إنت عاوزنا نرجع لعد مبارك تاني ,الثورة قامت من اكثر من 5 شهور ولم نرى اي تغير ملموس إلى الآن ,لو إنت شايف غير كدة ماتكملش قراءة .
مش نفسك اولادك واحفادك يلاقوا تعليم كويس؟؟علاج كويس ؟؟أكل وشرب غير ملوث؟؟,مش نفسك يمشوا رافعين راسهم فوق ؟؟,مش نفسك إنهم يلاقوا شغل محترم بعد مايخلصوا تعليم ولا يفكروا في السفر إلى الخارج ؟؟,لما إبنك او حفيدك يكون متفوق في كليته مش نفسك تشوفه معيد وإبن الدكتور لا يتعين مكانه بالظلم ؟؟,أكيد مش نفسك إن أمين شرطة ولا أي حد أيا كان منصبه إنه يوقف إبنك أوحفيدك في الشارع ويهين كرامته ؟؟,مش نفسك أمن الدوله مايتحكمش في حياتنا ؟؟,مش نفسك إن كرامتنا لا تتعرض للإهانه مرة أخرى في أقسام الشرطة ؟؟ومش نفسك مايتقبضش علينا ظلم ؟؟.
الظباط اللي إتقبض عليهم في قضية قتل المتظاهرين أفرجوا عن بعضهم وبدأوا يقبضوا على الثوار والنشطاء السياسيين ويحاكموهم محاكمات عسكرية دا غير مساومة أهل الشهداء والضغط عليهم للتنازل عن المحاضر المقدمة ضد الظباط المتهمين في قتل أبنائهم وغير ذلك من الفساد المنتشر الذي لا يخفى على أحد ,وشوية وهتلاقيهم أفرجوا عن الوزراء وانا و إنت اللي هنبقى في السجون.
سامع حد بيقول عجلة الإنتاج أرجوك ماتقولش الكلمة دي لو إنت كنت حاسس بدخل البترول ,دخل قناه السويس ,دخل السياحة , والضرائب اللي إنت بتدفعها ,لو فعلا كل مصادر الدخل هذه كانت بتعود عليك بالنفع قول عجلةالإنتاج ,إنما اللي حاصل وبكل صراحة إننا كنا عاملين زي الطور اللي بيدور في ساقية وهما بياخدوا كل حاجة في بطونهم على الجاهز , أولادهم إتعلموا أحسن تعليم ,أكلوا أحسن أكل ,ركبوا أحسن سيارات ,وعاشوا أحسن عيشة وكل ده من عرقك إنت ومن قوت عيالك .
لو إنت في الجيش وشايف إن الثورة مش هتضيف ليك سواء نجحت أو فشلت فكر في أولادك وأحفادك ,بلاش فكر في بلدك .
لو إنت ظابط شرطة شريف ساعدنا إننا نطهر البلد لو عندك أي معلومات هتفيد البلد انشرها وماتخفش وكلنا بإذن الله هنكون وراك وبنأيدك ,سكوتك مش هيفيد بحاجة ,وطالما إن نيتك خالصه لله مفيش مخلوق هيقدر يقرب منك أو يأذيك .
لو إنت جندي أمن مركزي ليه تضرب متظاهر سلمي أعزل ,فكر ولو مرة واحدة إنت مقتنع باللي إنت بتعمله ؟؟؟؟؟
لو إنت مهندس أو دكتور أو محاسب أو محامي أو عامل ساكت ليه إتكلم ,شارك ,اصرخ .
لو إنت قاضي ,وزير أو محافظ وربنا أعطاك منصب ليه ماتدعمناش في ثورتنا .
إلى كل مواطن شريف ليه سايبنا فريسة في إيد الأمن ليه مش بتتكلم ليه مش بتدعم الثورة هل إنت مش عاوز تغيير ؟؟هل إنت هترضى بالفتات تاني ؟؟ هل عاوز ولادهم يشبعوا وإنت ولادك يبقوا محرومين ؟؟ تحب إن إبنك يموت في المستشفيات الحكومية بسبب الإهمال ؟؟عاوز إبنك اللي مسافر يرجعلك في صندوق وماتعرفش تجيب حقة ؟؟عاوز تتبهدل في المواصلات وإنت رايح شغلك ؟؟
شارك معانا باي حاجة كلمة حق ,دعوة للثوار في صلاة الفجر ,طباعة منشور ,ماتمنعش إبنك إنه ينزل المظاهرات إنت واجب عليك تشجعه .
لو سكتنا هيركبونا تاني وساعتها قول على الدنيا السلام ولا هتنفع ثورة ولا يحزنون وهندخل مزبلة التاريخ من أوسع اأوابها لأننا ضيعنا حقنا وضيعنا ثورتنا .
الفرصة لسه امامك إنطق ,إتكلم ,اصرخ أو حتى خليك معانا بقلبك وإدعيلنا وإتكلم مع جيرانك قولهم إننا مش شباب فاضي ,قولهم إننا مش عاوزين نتذل تاني , قولهم إننا بنحب بلدنا ونفسنا نعيش عيشة كريمة ,وأولادنا من بعدنا يحسوا باللي إحنا عملناه ويدعولنا بالرحمة والمغفرة .
لو مقتنع بالكلام ده مستني إيه انشره على صفحتك ,إبعته لأصحابك ,إطبعه ووزع على أهلك وجيرانك وأصحابك .
الثورة دي مش بتاعة الشباب فقط الثورة دي بتاعة كل المصريين والكل لازم يشارك ,المرحلة القادمة ليس أمامنا إلا إختيارين لا ثالث لهما إما إن التاريخ يسجل الإنجاز اللي حققناه أو ندخل مزبله التاريخ مع مبارك وأمثاله ........فكر وقرر إنت عاوز تبقى فين ؟؟؟
ليه ساكت على حقوقك فين صوتك ولا إنت عاوزنا نرجع لعد مبارك تاني ,الثورة قامت من اكثر من 5 شهور ولم نرى اي تغير ملموس إلى الآن ,لو إنت شايف غير كدة ماتكملش قراءة .
مش نفسك اولادك واحفادك يلاقوا تعليم كويس؟؟علاج كويس ؟؟أكل وشرب غير ملوث؟؟,مش نفسك يمشوا رافعين راسهم فوق ؟؟,مش نفسك إنهم يلاقوا شغل محترم بعد مايخلصوا تعليم ولا يفكروا في السفر إلى الخارج ؟؟,لما إبنك او حفيدك يكون متفوق في كليته مش نفسك تشوفه معيد وإبن الدكتور لا يتعين مكانه بالظلم ؟؟,أكيد مش نفسك إن أمين شرطة ولا أي حد أيا كان منصبه إنه يوقف إبنك أوحفيدك في الشارع ويهين كرامته ؟؟,مش نفسك أمن الدوله مايتحكمش في حياتنا ؟؟,مش نفسك إن كرامتنا لا تتعرض للإهانه مرة أخرى في أقسام الشرطة ؟؟ومش نفسك مايتقبضش علينا ظلم ؟؟.
الظباط اللي إتقبض عليهم في قضية قتل المتظاهرين أفرجوا عن بعضهم وبدأوا يقبضوا على الثوار والنشطاء السياسيين ويحاكموهم محاكمات عسكرية دا غير مساومة أهل الشهداء والضغط عليهم للتنازل عن المحاضر المقدمة ضد الظباط المتهمين في قتل أبنائهم وغير ذلك من الفساد المنتشر الذي لا يخفى على أحد ,وشوية وهتلاقيهم أفرجوا عن الوزراء وانا و إنت اللي هنبقى في السجون.
سامع حد بيقول عجلة الإنتاج أرجوك ماتقولش الكلمة دي لو إنت كنت حاسس بدخل البترول ,دخل قناه السويس ,دخل السياحة , والضرائب اللي إنت بتدفعها ,لو فعلا كل مصادر الدخل هذه كانت بتعود عليك بالنفع قول عجلةالإنتاج ,إنما اللي حاصل وبكل صراحة إننا كنا عاملين زي الطور اللي بيدور في ساقية وهما بياخدوا كل حاجة في بطونهم على الجاهز , أولادهم إتعلموا أحسن تعليم ,أكلوا أحسن أكل ,ركبوا أحسن سيارات ,وعاشوا أحسن عيشة وكل ده من عرقك إنت ومن قوت عيالك .
لو إنت في الجيش وشايف إن الثورة مش هتضيف ليك سواء نجحت أو فشلت فكر في أولادك وأحفادك ,بلاش فكر في بلدك .
لو إنت ظابط شرطة شريف ساعدنا إننا نطهر البلد لو عندك أي معلومات هتفيد البلد انشرها وماتخفش وكلنا بإذن الله هنكون وراك وبنأيدك ,سكوتك مش هيفيد بحاجة ,وطالما إن نيتك خالصه لله مفيش مخلوق هيقدر يقرب منك أو يأذيك .
لو إنت جندي أمن مركزي ليه تضرب متظاهر سلمي أعزل ,فكر ولو مرة واحدة إنت مقتنع باللي إنت بتعمله ؟؟؟؟؟
لو إنت مهندس أو دكتور أو محاسب أو محامي أو عامل ساكت ليه إتكلم ,شارك ,اصرخ .
لو إنت قاضي ,وزير أو محافظ وربنا أعطاك منصب ليه ماتدعمناش في ثورتنا .
إلى كل مواطن شريف ليه سايبنا فريسة في إيد الأمن ليه مش بتتكلم ليه مش بتدعم الثورة هل إنت مش عاوز تغيير ؟؟هل إنت هترضى بالفتات تاني ؟؟ هل عاوز ولادهم يشبعوا وإنت ولادك يبقوا محرومين ؟؟ تحب إن إبنك يموت في المستشفيات الحكومية بسبب الإهمال ؟؟عاوز إبنك اللي مسافر يرجعلك في صندوق وماتعرفش تجيب حقة ؟؟عاوز تتبهدل في المواصلات وإنت رايح شغلك ؟؟
شارك معانا باي حاجة كلمة حق ,دعوة للثوار في صلاة الفجر ,طباعة منشور ,ماتمنعش إبنك إنه ينزل المظاهرات إنت واجب عليك تشجعه .
لو سكتنا هيركبونا تاني وساعتها قول على الدنيا السلام ولا هتنفع ثورة ولا يحزنون وهندخل مزبلة التاريخ من أوسع اأوابها لأننا ضيعنا حقنا وضيعنا ثورتنا .
الفرصة لسه امامك إنطق ,إتكلم ,اصرخ أو حتى خليك معانا بقلبك وإدعيلنا وإتكلم مع جيرانك قولهم إننا مش شباب فاضي ,قولهم إننا مش عاوزين نتذل تاني , قولهم إننا بنحب بلدنا ونفسنا نعيش عيشة كريمة ,وأولادنا من بعدنا يحسوا باللي إحنا عملناه ويدعولنا بالرحمة والمغفرة .
لو مقتنع بالكلام ده مستني إيه انشره على صفحتك ,إبعته لأصحابك ,إطبعه ووزع على أهلك وجيرانك وأصحابك .
الثورة دي مش بتاعة الشباب فقط الثورة دي بتاعة كل المصريين والكل لازم يشارك ,المرحلة القادمة ليس أمامنا إلا إختيارين لا ثالث لهما إما إن التاريخ يسجل الإنجاز اللي حققناه أو ندخل مزبله التاريخ مع مبارك وأمثاله ........فكر وقرر إنت عاوز تبقى فين ؟؟؟
الأحد، 3 يوليو 2011
ليه 8 يوليو
سمعنا الفترة الأخيرة دعوات كثيرة للنزول يوم الجمعة 8 يوليو وأنا واحد من الناس اللي هتنزل في اليوم ده ,تفتكروا أنا ليه هنزل اليوم ده .بإستخدام نظرية الإحتمالات التي يستخدمها الكثير ستجد البعض يقول أنني سوف أنزل :
* لأني عيل سيس فاضي مش لاقي حاجة أعملها (ممكن ليه لا )
* هتلاقي واحد ناصح تاني يقولك ده عيل من بتوع دادي ومامي وأهله بيصرفه عليه ومش حامل هم حاجة (وارد )
* نازل علشان أعمل فوضى وأعطل الإنتاج ووقف عجلة الإنتاج اللي هي أصلا واقفة من 30 سنة (هتلاقي واحد ناصح تاني يقولك عجله إنتاج إيه اللي كانت واقفة ما الدنيا كانت ماشيه وزي الفل ,هقوله الدنيا كانت ماشيه أه والإنتاج شغال أه والعمال بتشتغل وطافحين الدم أه والخير في الأخر بيصب في كرش اللي فوق يعني سواء العجلة ماشية أو نايمه بالنسبه لينا مش هاتفرق كتير -ولا إيه -.)
* هتلاقي حد يقولك من القلة المندسة (ممكن فعلا كل شي وارد )
* هتلاقي تقارير أمنية تقولك دا نازل ومخطط يقتحم السجون ويحدث فوضى (دا على أساس أننا حبيب العادلي ها فاهمني كويس )
* ممكن أكون نازل أخد كنتاكي وشوية دولارات أمشي بيهم حالي (على أساس إن مطاعم كنتاكي شغاله سبيل للمصريين ,لاكن إحتمال وارد مش بعيد )
كل الكلام ده مع إفتراض سوء النيه ,ماذا لو إفترضنا حسن النية .
إننا شباب فعلا بنحب بلدنا وخايفين عليها ونفسنا عجله الإنتاج لا تتوقف ونفسنا بلدنا تتحول للأحسن ,نفسنا يبقى في حرية رأي فعلا وتبقى في مساواه في المعامله .
هسئلكم سؤال ليه لما بيتقبض على حد من النشطاء السياسيين هذه الأيام في لحظة تلاقيه واخد حكم عسكري زي الفل ب 3 أو 5 سنين في الوقت اللي فيه مبارك بيتدلع في شرم الشيخ .
لو فيكم حد متابع المحاكمات هتلاقي كل رموز النظام السابق يتم محاكمتهم على بعض الأموال اللي سرقوها وبعض الأراضي والعقارت ,أين إفساد الحياة السياسية في مصر ,أين تعذيب المصريين في السجون وإهانت كرامتهم ,أين إفساد صحة المصريين بالمبيدات المسرطنة وغيرها من السموم التي جلبها لنا يوسف والي وأمثاله ,أين قتل المتظاهرين بالرصاص الحي ,أين فتح السجون ,أين تصدير الغاز لإسرائيل ,أين ضياع حقوق المصريين وإهانت كرامتهم بالخارج وبالداخل طبعا .
بكل بساطه هل حضرتك شايف إن الشرطة إتحسنت أوبدأت تتحسن أو ناوية تتحسن تعالى نشوف بعض المواقف حصلت بعد الثورة من رجال الداخلية
1- ده فيديو لمدير أمن الجيزة بيقول إنهم أسيادنا (الشرطة يعني أسيادنا على أساس إننا ولاد البطة السودا ) مدير أمن الجيزة
الفيديو ده كان بعد الثورة مباشرة فاهنقول مش مشكلة لسه ماأخدوش على الوضع الجديد
2- فيديو تاني للسيد المحترم مأمور طوخ عمل إيه علشان ولد لم يوافق على إنه يقوم للمحروسه بنته (شرين هانم) مأمور طوخ
3- الفيديو التالت وده لأخو أحد الشهداء كان رايح المفروض مع أمه علشان يتكرموا وفعلا الشرطة كرمتهم بس بطريقتهم الخاصة أخو الشهيد أحمد زين العابدين يتم صعقه بالكهرباء
4- الفيديو الرابع وده فعلا فيديو يقطع القلب لقيته قدامي قولت أجيبه مش هيخسر هل لو ده أخوك كنت هتقول بلاش ننزل علشان عجلة الإنتاج
هل يعقل إن الظباط المتهمين بقتل المتظاهرين يتم التحقيق معهم الصبح وبعد ذلك يرجعوا شغلهم عادي ,وإيه بقى اللي متوقع منهم لما يكونوا في شغلهم هيحموا المواطنين ولا يقرفوهم ويذلوا في أهاليهم ,للي مايعرفش الظباط المتهمين بقتل المتظاهرين بيساوموا أهالي الضحايا علشان يتنازلوا عن المحاضر اللي مقدمنها ياريت تقرأوا وتعرفوا إيه اللي بيحصل مع أهالي الشهداء
ده بالنسبه للشرطة بس ودي حاجة بسيطة جدا ,تعالى بقى لبقايا الحزب الوطني اللي موجودين في مناصبهم لحد دلوقتي ,عمداء الكليات اللي أمن الدوله هو اللي جايبهم ,الإعلام اللي زي ماهو بنفس التضليل والتعتيم الإعلامي وكأن شئ لم يكن .
ماحدش سئل نفسه العمال اللي كل شويه يعملوا مظاهرات وعاوزين فلوس مش صابرين ليه مستعجلين على إيه ,هل تعلم أن هناك رؤساء بعض هذه المؤسسات التي تتم فيها التظاهرات والإعتصامات يتقاضون أجور تصل إلى مليون جنيه بل أكثر للفرد وهؤلاء الأفراد من المحسوبين على النظام القديم ,ماذا تنتظر الحكومة لوقف أجور هؤلاء وماذا تنتظر لعزلهم من مناصبهم ومحاسبتهم ,ولاكننا نجد في النهاية أن الملام والمخطأ هم العمال الغلابة وتجد القوانين التي تجرم التظاهر وما إلى ذلك .
ده كان سرد سريع لبعض الأشياء في البلد كانت المفروض تتغير ولاكن للأسف زي ماهي وإحنا بقالنا أكتر من 5 شهور والحال كما هو عليه .
أحب أختم بعنوان كان في جريدة اليوم السابع بالمستندات.. تقرير لضباط الأمن العام يتهم حركة «6 أبريل» بالتخطيط لاقتحام السجون.. الضباط يكتبون تقارير عدائية ضد الأحزاب الداعية للمظاهرات ويتوقعون اشتباكات بين السلفيين والليبراليين فى ميدان التحرير
طبعا تم نفي هذا الكلام العبيط من المنسق العام لحركة 6 أبريل رداً على ما نشره اليوم السابع حول اتهام الأمن العام لـ"6 إبريل" بالتخطيط لاقتحام السجون: أحمد ماهر يطالب "العيسوى" بمحاسبة الضباط عن "فبركة التقارير" وتطهير الداخلية.. ويدعو المواطنين للتظاهر 8 يوليو.
لو حاولنا نرجع بالذاكرة شوية لأيام الثورة سنجد تشابه كبير بين هذا التقرير الحقير لتشويه صورة الثوار وبين ماكان يقال أيام الثورة من أجندات وكنتاكي وأجانب وعلاقات جنسية وبيتزا وريش .
ولما إنت عندك تقارير ومتاكد كدة وناشر في الجرايد ماتقبض عليهم طالما هما ناويين يقتحموا السجون ويخربوا في البلد ,ولا أمن الدوله بيسبق علشان لما يقبضوا على حد بيوزع منشوارت ليوم 8 يوليو يقولك دا كان بيوزع منشوارت لخطة إقتحام السجون ويكون ليكم حجة للقبض على الثوار .
وأخيرا لو شايف إن البلد حالها إتصلح ماتنزلش ,لو شايف الشرطة بتعامل الناس كويس ماتزلش ,لو شايف إن كرامتنا رجعتلنا ماتنزلش ,لو شايف إن حق الشهداء رجع ماتزلش ,لو شايف إن المحاكمات عادلة ماتنزلش ,لو المصابين اللي ضحوا علشانك إتعالجوا ماتنزلش ,لو الشرطة إشتغلت بما يرضي الله ماتزلش ,لو شايف إن الإعلام مابقاش مضلل وتم تطهيره ماتنزلش ,لو مابقتش تسمع عن تعذيب في الأقسام ماتنزلش ,ياريت نكون منصفين ولانلوم الثوار على مشاركتهم في المظاهرات ولانلومهم أيضا على إعتصامهم نحن نطالب بمطالب مشروعه ولا أحد يستطيع أن يلومنا على هذا .
* لأني عيل سيس فاضي مش لاقي حاجة أعملها (ممكن ليه لا )
* هتلاقي واحد ناصح تاني يقولك ده عيل من بتوع دادي ومامي وأهله بيصرفه عليه ومش حامل هم حاجة (وارد )
* نازل علشان أعمل فوضى وأعطل الإنتاج ووقف عجلة الإنتاج اللي هي أصلا واقفة من 30 سنة (هتلاقي واحد ناصح تاني يقولك عجله إنتاج إيه اللي كانت واقفة ما الدنيا كانت ماشيه وزي الفل ,هقوله الدنيا كانت ماشيه أه والإنتاج شغال أه والعمال بتشتغل وطافحين الدم أه والخير في الأخر بيصب في كرش اللي فوق يعني سواء العجلة ماشية أو نايمه بالنسبه لينا مش هاتفرق كتير -ولا إيه -.)
* هتلاقي حد يقولك من القلة المندسة (ممكن فعلا كل شي وارد )
* هتلاقي تقارير أمنية تقولك دا نازل ومخطط يقتحم السجون ويحدث فوضى (دا على أساس أننا حبيب العادلي ها فاهمني كويس )
* ممكن أكون نازل أخد كنتاكي وشوية دولارات أمشي بيهم حالي (على أساس إن مطاعم كنتاكي شغاله سبيل للمصريين ,لاكن إحتمال وارد مش بعيد )
كل الكلام ده مع إفتراض سوء النيه ,ماذا لو إفترضنا حسن النية .
إننا شباب فعلا بنحب بلدنا وخايفين عليها ونفسنا عجله الإنتاج لا تتوقف ونفسنا بلدنا تتحول للأحسن ,نفسنا يبقى في حرية رأي فعلا وتبقى في مساواه في المعامله .
هسئلكم سؤال ليه لما بيتقبض على حد من النشطاء السياسيين هذه الأيام في لحظة تلاقيه واخد حكم عسكري زي الفل ب 3 أو 5 سنين في الوقت اللي فيه مبارك بيتدلع في شرم الشيخ .
لو فيكم حد متابع المحاكمات هتلاقي كل رموز النظام السابق يتم محاكمتهم على بعض الأموال اللي سرقوها وبعض الأراضي والعقارت ,أين إفساد الحياة السياسية في مصر ,أين تعذيب المصريين في السجون وإهانت كرامتهم ,أين إفساد صحة المصريين بالمبيدات المسرطنة وغيرها من السموم التي جلبها لنا يوسف والي وأمثاله ,أين قتل المتظاهرين بالرصاص الحي ,أين فتح السجون ,أين تصدير الغاز لإسرائيل ,أين ضياع حقوق المصريين وإهانت كرامتهم بالخارج وبالداخل طبعا .
بكل بساطه هل حضرتك شايف إن الشرطة إتحسنت أوبدأت تتحسن أو ناوية تتحسن تعالى نشوف بعض المواقف حصلت بعد الثورة من رجال الداخلية
1- ده فيديو لمدير أمن الجيزة بيقول إنهم أسيادنا (الشرطة يعني أسيادنا على أساس إننا ولاد البطة السودا ) مدير أمن الجيزة
الفيديو ده كان بعد الثورة مباشرة فاهنقول مش مشكلة لسه ماأخدوش على الوضع الجديد
2- فيديو تاني للسيد المحترم مأمور طوخ عمل إيه علشان ولد لم يوافق على إنه يقوم للمحروسه بنته (شرين هانم) مأمور طوخ
3- الفيديو التالت وده لأخو أحد الشهداء كان رايح المفروض مع أمه علشان يتكرموا وفعلا الشرطة كرمتهم بس بطريقتهم الخاصة أخو الشهيد أحمد زين العابدين يتم صعقه بالكهرباء
4- الفيديو الرابع وده فعلا فيديو يقطع القلب لقيته قدامي قولت أجيبه مش هيخسر هل لو ده أخوك كنت هتقول بلاش ننزل علشان عجلة الإنتاج
هل يعقل إن الظباط المتهمين بقتل المتظاهرين يتم التحقيق معهم الصبح وبعد ذلك يرجعوا شغلهم عادي ,وإيه بقى اللي متوقع منهم لما يكونوا في شغلهم هيحموا المواطنين ولا يقرفوهم ويذلوا في أهاليهم ,للي مايعرفش الظباط المتهمين بقتل المتظاهرين بيساوموا أهالي الضحايا علشان يتنازلوا عن المحاضر اللي مقدمنها ياريت تقرأوا وتعرفوا إيه اللي بيحصل مع أهالي الشهداء
ده بالنسبه للشرطة بس ودي حاجة بسيطة جدا ,تعالى بقى لبقايا الحزب الوطني اللي موجودين في مناصبهم لحد دلوقتي ,عمداء الكليات اللي أمن الدوله هو اللي جايبهم ,الإعلام اللي زي ماهو بنفس التضليل والتعتيم الإعلامي وكأن شئ لم يكن .
ماحدش سئل نفسه العمال اللي كل شويه يعملوا مظاهرات وعاوزين فلوس مش صابرين ليه مستعجلين على إيه ,هل تعلم أن هناك رؤساء بعض هذه المؤسسات التي تتم فيها التظاهرات والإعتصامات يتقاضون أجور تصل إلى مليون جنيه بل أكثر للفرد وهؤلاء الأفراد من المحسوبين على النظام القديم ,ماذا تنتظر الحكومة لوقف أجور هؤلاء وماذا تنتظر لعزلهم من مناصبهم ومحاسبتهم ,ولاكننا نجد في النهاية أن الملام والمخطأ هم العمال الغلابة وتجد القوانين التي تجرم التظاهر وما إلى ذلك .
ده كان سرد سريع لبعض الأشياء في البلد كانت المفروض تتغير ولاكن للأسف زي ماهي وإحنا بقالنا أكتر من 5 شهور والحال كما هو عليه .
أحب أختم بعنوان كان في جريدة اليوم السابع بالمستندات.. تقرير لضباط الأمن العام يتهم حركة «6 أبريل» بالتخطيط لاقتحام السجون.. الضباط يكتبون تقارير عدائية ضد الأحزاب الداعية للمظاهرات ويتوقعون اشتباكات بين السلفيين والليبراليين فى ميدان التحرير
طبعا تم نفي هذا الكلام العبيط من المنسق العام لحركة 6 أبريل رداً على ما نشره اليوم السابع حول اتهام الأمن العام لـ"6 إبريل" بالتخطيط لاقتحام السجون: أحمد ماهر يطالب "العيسوى" بمحاسبة الضباط عن "فبركة التقارير" وتطهير الداخلية.. ويدعو المواطنين للتظاهر 8 يوليو.
لو حاولنا نرجع بالذاكرة شوية لأيام الثورة سنجد تشابه كبير بين هذا التقرير الحقير لتشويه صورة الثوار وبين ماكان يقال أيام الثورة من أجندات وكنتاكي وأجانب وعلاقات جنسية وبيتزا وريش .
ولما إنت عندك تقارير ومتاكد كدة وناشر في الجرايد ماتقبض عليهم طالما هما ناويين يقتحموا السجون ويخربوا في البلد ,ولا أمن الدوله بيسبق علشان لما يقبضوا على حد بيوزع منشوارت ليوم 8 يوليو يقولك دا كان بيوزع منشوارت لخطة إقتحام السجون ويكون ليكم حجة للقبض على الثوار .
السبت، 7 مايو 2011
مينا وأحمد وكوهين
لا أدري أين وقعت هذه الأحداث ولكن سوف أسردها لكم وهي عن ثلاثة شباب وهم مينا وأحمد وكوهين كانوا يسبحون معًا في أحد الشواطئ حينما جرف الموج مينا إلى داخل المياه العميقة, فابادر أحمد لإنقاذه فلم يستطع فحاول أيضا كوهين إنقاذهم فلم يستطع وغرقوا هم الثلاثة وهم معانقين بعضهم البعض .
طبعا لن يصدق أحد هذه القصة الساذجة , التي كانت سريعا ما تتردد في عهد النظام البائد كلما حدثت فتنة طائفية في البلاد ,إعتقادا منهم أن مثل هذه القصص التافهة هي التي سوف تطفئ نار الفتنة ,ولكن للأسف كانت الفتنة الطائفية سرعان ماتشتعل مرة أخرى ,ونسمع هذه القصص التي لم نعد نصدقها وأصبحنا نعتبرها مثل نكتة أو شئ من هذا القبيل .
إلى يومنا هذا مازالت أحداث الفتنة الطائفية مستمرة , حتى وأنا أكتب هذه الكلمات هناك أحداث طائفية في منطقة إمبابة ولا أعلم إلى أين ستأخذنا هذه الفتنة ,ولم نجد أحد من عقلاء هذه البلد حاول بطرق عملية حل هذه المشكلة ,ولاكن كل الحلول كانت نوع من الكلام المعسول لتهدئة الناس ,ثم سرعان ما تشتعل نار الفتنة مرة أخرى .
لا أريد أن أتحدث كثيرا عن أسباب هذه المشكلة ,ولا أريد أن أسرد القصص ,ولاكني أريد أن أجد حل لهذة الفتنة التي سوف تأخذ الوطن إلى حيث لا ندري .
ماذا لو نظمت الكنيسة حفلا ضخما وحضرهذا الحفل شيوخ السلفية والإخوان المسلمين وجميع رموز الوطن, ويحضر أيضا هذا الحفل كاميليا شحاته ووفاء قسطنطين وكل الذين ظهرت حولهم الشكوك بدخولهم الإسلام وأن الكنيسة تحتجزهم ,أعتقد أن الكنيسة إذا أرادت فعل ذلك لفعلت, وأيضا سوف تكون نهاية هذه الأحداث الدامية التي تحدث في بلادنا والتي لانعلم إلى أين سوف تأخذنا
ماذا لو نظم هذا الحفل شيوخ السلفية ودعوا الباب شنوده ورموز الكنيسة و أيضا حضور كل من تثار حولهم الشكوك انهم أسلموا وتكون بداية صفحة جديدة ولكن بالأفعال وليس بالكلام .
لن أتحدث كثيرا في هذا الموضوع لأن كثيرا تحدثوا قبلي في هذا الموضوع ,وسوف يتحدث بعدي الكثير ,ولكن ما أريد أن أقوله أننا نستطيع أن نجد حل لهذه الفتنة بأنفسنا دون أن نورط الجيش معنا ونشغله عن مهمته الأساسية وهي حماية الوطن ,الحل في يد الكنيسة وفي يد الشيخ محمد حسان وفي يد كل عقلاء هذا الوطن .
واعلموا أن الأوضاع السيئة التي نعيشها إذا تطورت عن هذا الحد ,فسيكون الذنب الأكبر على عقلاء هذا الوطن سيكون الذنب على كل من كان يستطيع حل هذه المشكلة ولم يبسط يده لينتشل هذا الوطن من هذا الوضع السئ الذي نعيشة .
طبعا لن يصدق أحد هذه القصة الساذجة , التي كانت سريعا ما تتردد في عهد النظام البائد كلما حدثت فتنة طائفية في البلاد ,إعتقادا منهم أن مثل هذه القصص التافهة هي التي سوف تطفئ نار الفتنة ,ولكن للأسف كانت الفتنة الطائفية سرعان ماتشتعل مرة أخرى ,ونسمع هذه القصص التي لم نعد نصدقها وأصبحنا نعتبرها مثل نكتة أو شئ من هذا القبيل .
إلى يومنا هذا مازالت أحداث الفتنة الطائفية مستمرة , حتى وأنا أكتب هذه الكلمات هناك أحداث طائفية في منطقة إمبابة ولا أعلم إلى أين ستأخذنا هذه الفتنة ,ولم نجد أحد من عقلاء هذه البلد حاول بطرق عملية حل هذه المشكلة ,ولاكن كل الحلول كانت نوع من الكلام المعسول لتهدئة الناس ,ثم سرعان ما تشتعل نار الفتنة مرة أخرى .
لا أريد أن أتحدث كثيرا عن أسباب هذه المشكلة ,ولا أريد أن أسرد القصص ,ولاكني أريد أن أجد حل لهذة الفتنة التي سوف تأخذ الوطن إلى حيث لا ندري .
ماذا لو نظمت الكنيسة حفلا ضخما وحضرهذا الحفل شيوخ السلفية والإخوان المسلمين وجميع رموز الوطن, ويحضر أيضا هذا الحفل كاميليا شحاته ووفاء قسطنطين وكل الذين ظهرت حولهم الشكوك بدخولهم الإسلام وأن الكنيسة تحتجزهم ,أعتقد أن الكنيسة إذا أرادت فعل ذلك لفعلت, وأيضا سوف تكون نهاية هذه الأحداث الدامية التي تحدث في بلادنا والتي لانعلم إلى أين سوف تأخذنا
ماذا لو نظم هذا الحفل شيوخ السلفية ودعوا الباب شنوده ورموز الكنيسة و أيضا حضور كل من تثار حولهم الشكوك انهم أسلموا وتكون بداية صفحة جديدة ولكن بالأفعال وليس بالكلام .
لن أتحدث كثيرا في هذا الموضوع لأن كثيرا تحدثوا قبلي في هذا الموضوع ,وسوف يتحدث بعدي الكثير ,ولكن ما أريد أن أقوله أننا نستطيع أن نجد حل لهذه الفتنة بأنفسنا دون أن نورط الجيش معنا ونشغله عن مهمته الأساسية وهي حماية الوطن ,الحل في يد الكنيسة وفي يد الشيخ محمد حسان وفي يد كل عقلاء هذا الوطن .
واعلموا أن الأوضاع السيئة التي نعيشها إذا تطورت عن هذا الحد ,فسيكون الذنب الأكبر على عقلاء هذا الوطن سيكون الذنب على كل من كان يستطيع حل هذه المشكلة ولم يبسط يده لينتشل هذا الوطن من هذا الوضع السئ الذي نعيشة .
الجمعة، 29 أبريل 2011
أيوه أنا مجنون
إذا كان اللي بيتكلم مجنون يبقى اللي
بيستمع عاقل ولا إنت إيه رأيك ياعم الحج فى الموضوع ده
عم الحج : موضوع إيه يابني إنت
شارب حاجة ولا إيه
المجنون :أنا ولا شارب
ولا واكل بس كنت عاوز أعرف رأيك فى موضوع محيرني
عم الحج : موضوع إيه قول
يابني فضفض
المجنون :كنت عاوز أعرف
رأيك فى الدكتور السباعي أحمد السباعي
عم الحج : سباعي مين يابني
أنا لاعرف سباعي ولا خماسي
المجنون : ده كبير الأطباء
الشرعيين ياعم الحج
عم الحج :لا والنبي, والله ماكنت
اعرف مش كنت تقول كده من الأول
المجنون :طيب بلاش دي تعرف
المرحوم خالد سعيد
عم الحج : طبعا الله يرحمه
منهم لله اللى كانوا السبب
المجنون : الدكتور السباعي
بقى هو اللي قال إن خالد مات
بسكسكونيا الخنق قصدي إسفسكسيا الخنق جريدة الشروق
عم الحج : وماله يابني ماهو
دكتور بردو يفهم أكتر مننا
المجنون :طيب وإيه رأيك بقى
فى الأطباء الشرعيين الدوليين
اللي قالوا عكس الكلام اللي قالوا الدكتور السباعي مركز النديم
عم الحج : وهما يابني الاطباء
الدوليين هيفهموا أكتر من الدكاترة بتوعنا
المجنون : أقنعه إزاي بس
المجنون : من الأخر ياعم الحج
لا إحنا بنفهم ولا الأطباء الدوليين بيفهموا إحنا نجرب بنفسنا
هنجيب ورقة طولها
7.5 سم و قطرها 2.5 سم نفس حجم اللفافة
اللي قالوا إن خالد بلعها
وهي اللي سببت الوفاه وهانشوف إذا كنا
هانعرف نبلعها ولا مش هنعرف
المجنون : إتفضل إبلع ياعم الحج
عم الحج : أبلع إيه يابني
إنت باين عليك مجنون
المجنون : مانا لو كنت
مجنون كنت عرفت تبلعها
المجنون : ما علينا من
خالد سعيد ,إيه رأيك بقى فى كلام
الأستاذ فريد حشيش
عم الحج : ومين الأستاذ فريد حشيش ده كمان
المجنون : من الواضح
إن ثقافتك عالية ياعم الحج
عم الحج : طبعا يابني الثقافة
دى حاجة حلوه
المجنون : ماعلينا من
موضوع الثقافة ده ,ندخل
في المهم الأستاذ فريد حشيش
محقق بقطاع الطب الشرعي
وبإختصار, قال إن الدكتور
السباعي يوالي النظام وأن
تعليماته وتقاريره في صالح
النظام حتى لو كان هذا على
حساب دماء الشهداء والضحايا
ومنها قضية خالد سعيد
عم الحج : وأنت بقى إزاي
إتأكدت من الكلام اللي إنت بتقوله .
المجنون : كل الوقائع التي أخبر
عنها الأستاذ فريد حشيش
بالمستندات والتقارير والأدلة
عم الحج : والله يابني
أنا مش عارف أقولك إيه
المجنون : إسمع دي كمان
ياعم الحج
عم الحج : قول يابني سامعك
المجنون : الدكتور السباعي
هو اللي هيحدد إذا كان الرئيس
السابق محمد حسني مبارك
هيتم نقله من شرم الشيخ
أو إن حالته لا تسمح بذلك جريدة اليوم السابع
عم الحج : وإيه المشكلة
يابني بس
المجنون : يعني بعد كل الكلام
اللي قولته عن الدكتور السباعي
والفساد اللى حدث فى مصلحة
(الطب الشرعي ) أثناء عمله
بالمصلحة ,هل ممكن نثق فيه
تاني ونسلمه قضيه حساسة
مثل هذه القضية جريدة اليوم السابع
عم الحج : والله أنا إحترت
معاك يابني ,إنت عاوز إيه
دلوقتي
المجنون : مش أنا اللي
عاوز ,كل اللي بيفكر بعقله فى
البلد دي مش عاوز هذا الراجل جريدة المصري اليوم
عم الحج : على العموم
يابني أنا هسيبك بقى لأن
ماتش الأهلي بدأ ,ولما السباعي بتاعك
ده يمشي إبقى قولي
,سلام عليكم
المجنون : وبيقولوا علي أنا اللي مجنون
,واللي سكت 30 سنة على الظلم
ده يبقى إسمه إيه ,
واللي سايب الدكتورالسباعي في منصبه
إلى وقتنا هذا يبقى إسمه ايه
,واللي أعطاه الثقه بعد ما تم كشف
كل هذا الفساد الذي تم فى
عهده وطلب منه تقرير
عن حالة الرئيس السابق
يبقى إسمه ايه ,
على العموم لو كل واحد بيحب
بلده وخايف عليها وعاوز
يطهرها من كل ظالم ومن كل
فرعون هيقولوا عليه مجنون
فا أنا هاقولها وبكل فخر أيوه أنا مجنون
الأربعاء، 27 أبريل 2011
مهزلة محاكة العادلي
لقد حدث الآتي فى محاكمة العادلي :
أولا : ظباط الشرطة لابسين ملكي وهما اللى كانوا قاعدين فى المحكمة .
ثانيا : منع محاميين الشهداء والمصابين من حضور الجلسة .
ثالثا : كان فى افراد واقفين أمام العادلي واللى معاه فى قفص الإتهام منعوا إن أى حد يراهم .
رابعا : تم التعامل مع الإعلاميين بصورة مهينة ودخلوا لقاعة المحكمة عن طريق قفص الإتهام .
خامسا: وهذا هو الجزأ الأهم إن اللى هيحاكم العادلي هو عادل عبد السلام جمعة
نبذة مختصرة عن عادل عبد السلام جمعة :
1- قضية خيرت الشاطر نائب المرشد العام للإخوان المسلمين أصدر حكمًا بوضع أموال المهندس خيرت الشاطر نائب المرشد العام للإخوان المسلمين، و28 آخرين من قيادات الجماعة تحت التحفظ، ومنعهم وزوجاتهم، وأولادهم من التصرف فيها
2- قضية الدكتور سعد الدين إبراهيم أستاذ علم الاجتماع المعارض، بتهمة تلقي تبرعات من الخارج دون تصريح من الجهات الرسمية بالدولة، وبث شائعات كاذبة، ومغرضة عن مصر في الخارج، والنصب على الاتحاد الأوروبي في 261 ألف يورو، وقضى بعقوبة السجن المشدد 7 سنوات بحقه، ثم تم نقض الحكم للمرة الأخيرة، قامت خلالها محكمة النقض بتبرئة سعد الدين إبراهيم من كلِّ التهم المنسوبة إليه.
3- قضية الأستاذ أيمن نور : حكم عليه بالسجن خمسة سنوات ظلما وجميعنا يعرف ذلك
4- قضية مجدي حسين :أصدر حكمًا بحبس مجدي حسين رئيس تحرير صحيفة (الشعب)، وصلاح بديوي المحرر بالجريدة لمدة عامين مع الشغل، والحبس سنة واحدة لرسام الكاريكاتير عصام حنفي، وتغريم كلّ من الثلاثة مبلغ 20 ألف جنيه مصري، بتهمة سب وقذف نائب رئيس الوزراء ووزير الزراعة آنذاك يوسف والي، في قضية اتهامهم وزارة الزراعة بإدخال مبيدات مسرطنة للبلاد من الكيان الصيهوني.
5- قضية هشام طلعت مصطفى نم تخفيف الحكم من إعدام إلى 15 عام لهشام طلعت و 25 عام للسكري
6- قضية يوسف والي : والتي بسبب هذا الرجل يوسف والى تم حبس مجدي حسين وصحفيين آخرين بجريدة (الشعب) الذين أثاروا القضية ويوسف والي الآن حرا طليقا ولا عزاء للمصريين .
طبعا بالإضافة إلى تاريخه المشرف الذي يعرفه الجميع هذه القضايا جزء من القضايا التي حكم فيها والمعروف هو بيحكم لصالح مين وبياخد أوامره من مين .
هل عادل عبد السلام هو اللى هيجيب حق الشهداء , هل هذا الرجل من سيطهر البلد من حبيب العادلى وأمثاله .أم أننا نحتاج إلى وقفة كي يعلم هؤلاء أن الشعب المصري لن يترك دماء الشهداء تضيع بهذا الشكل ,يجب أن تكون لنا وقفة كي يعلم الجميع أن حبيب العادلى وزبانيته لن يفلتوا من العقاب بهذه الطرق القذرة والحقيرة المعروفة لنا جميعا وأننا أيضا لن نترك دماء الشهداء والمصابين تضيع بهذه السذاجة .
هذه الوصلة بها ما يثبت كلامي على ما حدث من منع لمحاميين الضحايا من الدخول للجلسة وغيرها برنامج مصر النهاردة
وصلة أخرى لقناة الجزيرة تأكد كلامي قناة الجزيرة ولحظه خروج حبيب العادلى من المحكمة
أولا : ظباط الشرطة لابسين ملكي وهما اللى كانوا قاعدين فى المحكمة .
ثانيا : منع محاميين الشهداء والمصابين من حضور الجلسة .
ثالثا : كان فى افراد واقفين أمام العادلي واللى معاه فى قفص الإتهام منعوا إن أى حد يراهم .
رابعا : تم التعامل مع الإعلاميين بصورة مهينة ودخلوا لقاعة المحكمة عن طريق قفص الإتهام .
خامسا: وهذا هو الجزأ الأهم إن اللى هيحاكم العادلي هو عادل عبد السلام جمعة
نبذة مختصرة عن عادل عبد السلام جمعة :
1- قضية خيرت الشاطر نائب المرشد العام للإخوان المسلمين أصدر حكمًا بوضع أموال المهندس خيرت الشاطر نائب المرشد العام للإخوان المسلمين، و28 آخرين من قيادات الجماعة تحت التحفظ، ومنعهم وزوجاتهم، وأولادهم من التصرف فيها
2- قضية الدكتور سعد الدين إبراهيم أستاذ علم الاجتماع المعارض، بتهمة تلقي تبرعات من الخارج دون تصريح من الجهات الرسمية بالدولة، وبث شائعات كاذبة، ومغرضة عن مصر في الخارج، والنصب على الاتحاد الأوروبي في 261 ألف يورو، وقضى بعقوبة السجن المشدد 7 سنوات بحقه، ثم تم نقض الحكم للمرة الأخيرة، قامت خلالها محكمة النقض بتبرئة سعد الدين إبراهيم من كلِّ التهم المنسوبة إليه.
3- قضية الأستاذ أيمن نور : حكم عليه بالسجن خمسة سنوات ظلما وجميعنا يعرف ذلك
4- قضية مجدي حسين :أصدر حكمًا بحبس مجدي حسين رئيس تحرير صحيفة (الشعب)، وصلاح بديوي المحرر بالجريدة لمدة عامين مع الشغل، والحبس سنة واحدة لرسام الكاريكاتير عصام حنفي، وتغريم كلّ من الثلاثة مبلغ 20 ألف جنيه مصري، بتهمة سب وقذف نائب رئيس الوزراء ووزير الزراعة آنذاك يوسف والي، في قضية اتهامهم وزارة الزراعة بإدخال مبيدات مسرطنة للبلاد من الكيان الصيهوني.
5- قضية هشام طلعت مصطفى نم تخفيف الحكم من إعدام إلى 15 عام لهشام طلعت و 25 عام للسكري
6- قضية يوسف والي : والتي بسبب هذا الرجل يوسف والى تم حبس مجدي حسين وصحفيين آخرين بجريدة (الشعب) الذين أثاروا القضية ويوسف والي الآن حرا طليقا ولا عزاء للمصريين .
طبعا بالإضافة إلى تاريخه المشرف الذي يعرفه الجميع هذه القضايا جزء من القضايا التي حكم فيها والمعروف هو بيحكم لصالح مين وبياخد أوامره من مين .
هل عادل عبد السلام هو اللى هيجيب حق الشهداء , هل هذا الرجل من سيطهر البلد من حبيب العادلى وأمثاله .أم أننا نحتاج إلى وقفة كي يعلم هؤلاء أن الشعب المصري لن يترك دماء الشهداء تضيع بهذا الشكل ,يجب أن تكون لنا وقفة كي يعلم الجميع أن حبيب العادلى وزبانيته لن يفلتوا من العقاب بهذه الطرق القذرة والحقيرة المعروفة لنا جميعا وأننا أيضا لن نترك دماء الشهداء والمصابين تضيع بهذه السذاجة .
هذه الوصلة بها ما يثبت كلامي على ما حدث من منع لمحاميين الضحايا من الدخول للجلسة وغيرها برنامج مصر النهاردة
وصلة أخرى لقناة الجزيرة تأكد كلامي قناة الجزيرة ولحظه خروج حبيب العادلى من المحكمة
الاشتراك في:
التعليقات (Atom)